Menningarhátíð í Víðistaðaskóla
Úrslitakeppni
Stóru upplestrarkeppninnar var haldin í skólanum þann 16. febrúar.
9 nemendur í 7. bekk tóku þátt og lásu texta úr bókinni-Flugan sem stöðvaði stríðið- eftir Bryndísi Björgvinsdóttur, ljóð eftir Guðmund Böðvarsson og að lokum ljóð að eigin vali.
Anna Vala Guðrúnardóttir nemandi í 8. bekk Víðistaðaskóla og sigurvegari keppninnar í fyrra las kynningu á Guðmundi Böðvarssyni ljóðskáldi.
Í dómnefnd voru þær Ingibjörg Einarsdóttir formaður nefndarinnar, Hrönn Bergþórsdóttir skólastjóri og Sigrún Reynisdóttir íslenskukennari.
Þrír nemendur voru valdir til að fara í lokakeppnina í Hafnarborg þann 7. mars næstkomandi.
Það eru þær: Embla Guðmundsdóttir 7.HÁS, Saga M. Erichsen 7.SAJ og Sóley Agnarsdóttir 7. HÁS.
Jónína Katrín Gestsdóttir og Steinunn Erna Guðmundsdóttir spiluðu lagið –Vorið er komið- á flautu í byrjun hátíðarinnar.
Að lokum stjórnuðu krakkar úr leiklistarhóp í 7. bekk, spurningakeppni fyrir nemendur.
