Jólaskemmtanir
Kæru nemendur, foreldrar og forsjáraðilar
Aðventan í skólanum hefur verið notaleg, skólinn hefur verið fallega skreyttur allan desembermánuð og nemendur hafa föndrað, sungið og farið í göngur um fallega jólabæinn okkar. Nú líður að jólum og er síðasta kennsluvikan hafin. Jólaleyfi hefst 17. desember að loknum jólaskemmtunum og stofujólum.
Jólahald síðustu dagana verður með eftirfarandi hætti:
16. desember
Síðasti kennsludagurinn samkvæmt stundaskrá og þann dag verður einnig jólamatur fyrir nemendur og starfsfólk.
Unglingadeildin er með skemmtun á sal seinni partinn en því miður gátum við ekki boðið foreldrum eins og hefð er fyrir vegna sóttvarnareglna.
Kl.18:00, 8. bekkur mætir á sýningu á sal þar sem 10. bekkur sýnir atriði úr söngleik ársins Litla hryllingsbúðin. Að lokinni sýningu halda nemendur til stofu með umsjónarkennara og eiga saman jólastund til um 20:00.
Kl. 18:30, 9. og 10. bekkir mæta á sýningu á sal þar sem 10. bekkur sýnir atriði úr söngleik ársins Litla hryllingsbúðin. Að lokinni sýningu halda nemendur til stofu með umsjónarkennara og eiga saman jólastund til um 20:00.
17. desember
Jólaskemmtanir og stofujól hjá 1. – 7. bekk. Nemendur í 1. – 5. bekk dansa í kringum jólatréð í hátíðarsal skólans og hitta jólasveinana síkátu.
1.bekkur 8:30 – 9:30
2.bekkur 8.30 – 9:30
3. bekkur 9:30 - 11:00
4. bekkur 9:30 - 11:00
5. bekkur 10:00 -11:00
6. bekkur 9:00 -10:00
7. bekkur 9:00 -10:00
Frístundaheimilið Hraunkot er opið fyrir þá sem þar eru skráðir að lokinni jólaskemmtun og samkvæmt auglýstri opnun í jólaleyfinu.
Skóli hefst aftur samkvæmt stundaskrá mánudaginn 3. janúar 2022 á nýju ári.
Við óskum ykkur gleðilegrar hátíðar og farsæls komandi árs.
Við þökkum fyrir ánægjulegar stundir og frábært samstarf á árinu sem er að líða.
Starfsfólk og stjórnendur Víðistaðaskóla
