Frekari sóttvarnaáherslur frá 7. október frá skrifstofu mennta- og lýðheilsusviðs Hafnarfjarðar

9.10.2020

Eftirfarandi ákvarðanir og aðgerðir eru teknar fyrir grunnskóla Hafnarfjarðar í ljósi hertra samkomutakmarkana:

1. Sundkennsla
Engin sundkennsla verður í grunnskólum Hafnarfjarðar frá og með deginum í dag til 19. október.
Nemendur fá kennslu sem samsvarar sundtímum á meðan þessu varir eins og skólar ákveða.

2. Íþróttakennsla
Engin íþróttakennsla í fer fram í íþróttahúsum skólanna/bæjarins frá og með deginum í dag til 19. október.
Gert er ráð fyrir að íþróttakennsla fari fram utanhúss á skólalóðum og í nágrenni skóla á meðan eftir því sem tök eru á.

3. Vettvangsferðir, m.a. í skólabúðir
Ekki er heimilt að fara í vettvangsferðir út fyrir höfuðborgarsvæðið. Það á einnig við ferðir hafnfirskra
grunnskóla í skólabúðir sem falla niður næstu tvær vikurnar ef þær eru á döfinni.

4. Sóttkví er sambærilegt við veikindaleyfi
Sömu reglur gilda um sóttkví og veikindaleyfi, þ.e. engar sérstakar reglur gilda um sóttkví umfram almenn veikindi eins og staðan er,
þ.e. nemenda er að fylgja námsáætlunum síns bekkjar og sækja nauðsynlegar upplýsingar sem miðlað er af skóla til heimila.

5. Leyfi vegna sóttkvíar
Fara skal eftir reglum um skólasókn fyrir grunnskóla Hafnarfjarðar skólaárið 2020-2021, m.a. um skriflegar leyfistilkynningar.

6. Starfsemi í frístundaheimilum
Vegna breytinga á íþróttastarfsemi fyrir börn þarf að gera ráð fyrir að börn séu skráð lengur fram á daginn í frístundaheimilum f
ram til 19. október sökum þess að æfingar íþróttafélaga falla niður.

Með bestu kveðju,

Valgerður Júlíusdóttir, aðstoðarskólastjóri


Víðistaðaskóli | Víðistaðatún Hrauntunga 7, 220 Hafnarfjörður
Sími 595 - 5800 | Netfang vidistadaskoli@vidistadaskoli.is