Deildarstjóri á unglingastigi Víðistaðaskóli
Víðistaðaskóli óskar eftir að ráða deildarstjóra á unglingastigi skólaárið 2020 - 2021.
Ráðið er í stöðuna frá 1. ágúst 2020.
Víðistaðaskóli var stofnaður árið 1970 og eru nemendur 530. Leiðarljós skólans eru Ábyrgð - Virðing - Vinátta. Í Víðistaðaskóla fögnum við fjölbreytileikanum og áhersla er lögð á að hver nemandi fái kennslu við hæfi til að þroska hæfileika sína. Lögð er áhersla á góðan námsárangur, vellíðan nemenda og starfsmanna. Unnið er að þróun teymiskennslu og fjölbreyttra kennsluhátta. Skólinn er heilsueflandi grunnskóli og grænfánaskóli þar sem lögð er áhersla á umhverfismennt og útikennslu. Skólinn vinnur í anda SMT skólafærni. Í skólanum er metnaðarfullt starf sem byggir á skólaþróun og nemendalýðræði. Í Víðistaðaskóla er góður starfsandi og jákvæð samskipti meðal allra sem í skólanum starfa.
Nánari upplýsingar um skólann má finna á heimasíðunni http://www.vidistadaskoli.is
Helstu verkefni og ábyrgð:
· Annast deildarstjórn á unglingastigi
· Vinnur að þróun skólastarfs í samstarfi við stjórnendur og samstarfsfólk
· Er í forystu um mótun og framkvæmd faglegrar stefnu skólans innan ramma laga og í samræmi við aðalnámskrá grunnskóla og skólastefnu Hafnarfjarðarbæjar
· Vinnur að öflugu samstarfi innan skólasamfélagsins
· Stuðlar að velferð nemenda í samstarfi við foreldra og fagaðila
· Vinnur samkvæmt stefnu skólans
Menntunar- og hæfniskröfur:
· Leyfisbréf til kennslu (Leyfisbréf fylgi umsókn)
- Framhaldsmenntun á sviði stjórnunar og/eða uppeldis- eða kennslufræði
Farsæl kennslu- og stjórnunarreynsla í grunnskóla æskileg
- Leiðtogafærni og hæfni til að leiða framsækið skólastarf
· Lipurð í samskiptum, sveigjanleiki og samstarfshæfni
- Skipulagshæfileikar og hæfni til að leiða verkefni
- Reynsla af teymisvinnu kostur
- Þekking og/eða reynsla af SMT-skólafærni æskileg
· Frumkvæði og sjálfstæði í vinnubrögðum.
· Jákvæðni og áhugi á að starfa í skapandi og metnaðarfullu umhverfi.
· Stundvísi og samviskusemi
- Hæfni til að tjá sig í ræðu og riti
Nánari upplýsingar um starfið veitir Hrönn Bergþórsdóttir, skólastjóri, í síma 664-5890, hronn@vidistadaskoli.is eða Valgerður Júlíusdóttir, aðstoðarskólastjóri, í síma 664-5891, valaj@vidistadaskoli.is
Umsóknarfrestur er til og með 13. apríl 2020.
Umsókn fylgi greinargóð ferilsskrá, leyfisbréf til kennslu og greinargerð um framtíðarsýn umsækjanda á skólastarf og reynslu við stjórnun.
Launakjör eru samkvæmt kjarasamningi Sambands íslenskra sveitarfélaga og KÍ.
Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.