Prófareglur
Reglur og skipulag námsmats í Víðistaðaskóla
1. Framkvæmd við námsmat
- Taka skal nafnakall í upphafi námsmats til að tryggja upplýsingar um hvaða nemendur hafa tekið námsmatið og hverjir ekki.
- Athuga skal með fjarveru nemenda sem ekki mættu í námsmat og kennarar höfðu ekki fyrirfram fengið upplýsingar um.
- Röðun borða skal vera þannig að nemendur sitji ekki hlið við hlið, gott bil skal vera á milli borða.
- Kennari skal í upphafi námsmats tilkynna nemendum þann tíma sem þeir hafa til að ljúka námsmatinu og hvenær nemendur megi í fyrsta lagi yfirgefa stofuna.
- Ljóst skal vera hvaða nemendur eiga rétt á lengri próftíma eða annarri aðstoð.
- Nemendur eiga að hafa meðferðis tilskilin námsgögn. Önnur námsgögn skal geyma fjarri nemendum, nema með leyfi kennara.
- Slökkt skal vera á farsímum og þeir afhentir kennara til vörslu á meðan á prófi stendur.
- Nemendur sitja kyrrir í sætum sínum meðan á námsmati stendur.
- Nemendur skulu ekki trufla aðra nemendur á meðan námsmat fer fram.
- Nemendur rétta upp hönd þurfi þeir að ná sambandi við kennara.
- Nemandi sem kemur seint í námsmat á ekki rétt á lengri tíma til að bæta upp þann tíma sem hann missti af.
2. Mæti nemandi ekki í námsmat
- Nemendur sem ekki taka námsmat á réttum tíma skulu gera það í næstu kennslustund viðkomandi námsgreinar, nema fyrirfram hafi verið samið um annað. Nýti nemandi ekki þetta úrræði fær hann D eða Ólokið í þessu tiltekna námsmati.
- Kennari skal ávallt upplýsa foreldra/forsjáraðila ef nemandi mætir ekki í námsmat án heimildar.
3. Brot á reglum og viðurlög
Ef nemandi er með:
- óleyfileg hjálpargögn
- þiggur hjálp frá öðrum
- veitir öðrum hjálp
- tekur þátt í hvísli eða samtali við annan nemanda
- truflar aðra nemendur eða svindlar á annan hátt
þá hefur kennari heimild til að vísa nemandanum úr námsmatinu.
- Nemandi sem staðinn er að broti á reglum er vísað út og fær D í viðkomandi námsmati.
- Kennari lætur stjórnanda og foreldra/forsjáraðila vita. Atvikið er skráð í dagbók nemanda og birt foreldrum/forsjáraðilum. Nemandi mætir ásamt foreldrum/forsjáraðilum til stjórnanda daginn eftir til að fara yfir atvikið.
- Eldri færsla
- Nýrri færsla