Verum ástfangin af lífinu
Í morgun fengu nemendur 10. bekkja fyrirlestur sem nefnist Verum ástfangin af lífinu. Það var Þorgrímur Þráinsson rithöfundur sem flutti fyrirlesturinn. Í honum var farið í gegnum góð gildi í lífinu, mikilvægi þess að setja sér skýr markmið til að draumurinn sem býr í hverjum einstaklingi megi rætast. Farið var í þætti sem móta hvern einstakling s.s. fjölskylduna, vinina, framkomu, þroska, heilbrigði, skólann, fjallað um mikilvægi þess að gera góðverk og vera meðvitaður. Ekki var að sjá annað en fyrirlesturinn hafi fallið í góðan jarðveg hjá nemendum.