Skólakeppni Víðistaðaskóla fyrir Stóru upplestrarkeppnina í Hafnarfirði
Skólakeppni Víðistaðaskóla fyrir Stóru upplestrarkeppnina í Hafnarfirði fór fram í morgun á sal skólans. Átta keppendur úr 7. bekk tóku þátt í keppninni og stóðu þau sig öll vel. Þeir sem fóru með sigur af hólmi og verða fulltrúar skólans eru: Emil Snær Erlendsson, Markús Heiðar Ingason og til vara Karen Magnúsdóttir.
Skólakeppnin var hátíðleg með góðum upplestri og ljóðaflutningi
keppenda. Álfhildur Auðunsdóttir flutti frumsamið ljóð eftir hana
sjálfa, Tómas Vigur Magnússon skemmti gestum með tónlistarflutningi en
hann spilaði bæði á píanó og fiðlu. Eva Bryndís Ágústsdóttir og Áróra
Friðriksdóttir fluttu lag úr söngleik 10. bekkjar "Lísa í
Undralandi". Áheyrendur úr 7. bekk voru til fyrirmyndar en
góðir áheyrendur skiptir ekki síður máli á slíkum viðburði.