Samvera hjá 1 - BB
Mikil spenna hefur ríkt hjá 1. BB en nú var komið að
okkur að sjá um samveruna á salnum. Við höfum æft okkur vel síðustu daga. Við
vorum fljót að sjá að við vorum með of mikið efni enda um mikla leikara og
listamenn að ræða. Allir vildu taka þátt, allir vildu sýna samnemendum,
kennurum, foreldrum og systkinum hvað í okkur býr. Við fluttum leikrit úr
bókinni Hver er flottastur? en það leikrit er um hrokafullan ref sem telur sig
eiga skóginn þar til litlir krúttlegir drekar spúa á hann eldi og skilja hann eftir
nánast allsberan. Aníta Ósk, spilaði á fiðlu og Halldór Magnús spilaði á
flautu. Við fluttum lagið 17.000 sólargeislar úr Bláa hnettinum en við höfum
verið að vinna með það þema síðustu mánuði. Heimsóttum meðal annars
Borgarleikhúsið til að sjá sviðsmyndina, leikmuni og fleira sem tilheyrir
leikhúsinu. Við fluttum einnig nokkur erindi af Krumma sem svaf í klettagjá þar
sem Þorinn er að renna sitt skeið. Börnin stóðu sig eins og hetjur, eins og þau
hafi aldrei gert annað en að stíga á svið. Þetta er verulega góð æfing og nú
sjáum við hvers við erum megnug en einnig hvað er gott að æfa til að gera betur
næst.
