Nýtt námsmat kynnt á haustfundi með foreldrum
Ágætlega fjölmennur fundur með foreldrum nemenda 9. og 10. bekkja var
haldinn í morgun. Hrönn Bergþórsdóttir skólastjóri fór yfir skólabyrjunina og
það sem efst er á baugi nú við byrjun skólaársins auk þess sem hún svaraði fyrirspurnum. Edda
Arnbjörnsdóttir deildastjóri unglingadeildar fór yfir nýja námsmatið sem notað
var í fyrsta sinn hjá 10. bekk í fyrra. Námsmatið sem innleitt var af menntamálaráðuneytinu,
felst í þvi að ekki eru lengur gefnar einkunnir í tölum heldur byggist námsmatið
á bókstöfum, A, B+, B, C+, C og D. Námsmatið á nú að byggja á hæfniviðmiðum í
stað einkunna sem oft byggja á staðreyndaupptalningum. Á fundinum kynntu
forsvarsmenn félagsmiðstöðvarinnar Hraunsins starfsemina sem þar verður í
vetur.
Eftir fundinn fóru foreldrar með umsjónarkennurum hvers bekkjar í stofur og
ræddu saman um skólastarfið. Auk þess voru tveir bekkjarfulltrúar fyrir hvern
bekk valdir úr hópi foreldra.
-/sir
