Nýr skólahjúkrunarfræðingur
Ilmur Dögg Níelsdóttir var fyrir skömmu
ráðin skólahjúkrunarfræðingur í Víðistaðaskóla. Ilmur er 35 ára Akureyrarmær og á ættir að rekja
til Hafnarfjarðar. Ilmur Dögg hefur m.a.
sinnt starfi hjúkrunarforstjóra á Heilsugæslunni í Bolungarvík þar sem hún
sinnti m.a. skólaheilsugæslu en auk þess hefur hún starfað á
meltingarskurðdeild og á slysa- og bráðamóttökunni í Fossvogi. Síðastliðið
skólaár leysti hún af sem skólahjúkrunarfræðingur í Hraunvallaskóla en er nú
fastráðin hér við Víðistaðaskóla.
Skólahjúkrunarfræðingur sér um fræðslu,
eftirlit, reglubundnar skimanir, forvarnir, bólusetningar, viðtöl og loks
teymisvinna í kringum einstaka mál.
-/sir