Söngleikurinn Fjársjóðurinn fluttur í Víðistaðaskóla
Miðvikudaginn 25. maí buðu 3. bekkingar í Víðistaðaskóla fjölskyldum sínum til sönghátíðar í sal Engidalsskóla en þar fluttu þeir söngleikinn Fjársjóðinn eftir Ólaf B. Ólafsson. Um var að ræða samstarfsverkefni umsjónarkennara og tónmenntakennara skólans. Flutt var styttri útgáfan af söngleiknum en þar segir frá drengjunum Tuma og Trölla sem lenda í ævintýrum eftir að þeir fylgja eftir ævagömlum uppdrætti að sjóræningjafjársjóði.
