Skólaslit og útskrift 10. bekkjar
Í gær lauk skólaárinu með útskrift nemenda í 10. bekk og skólanum var formlega slitið þetta árið. Athöfnin fór fram í hátíðarsal skólans og síðan var boðið upp á veitingar í íþróttasal skólans.
Við vorum við að kveðja einstaklega skemmtilegan og samhentan hóp nemenda í gær. Að sjálfsögðu verður þeirra sárt saknað, en við óskum þeim alls hins besta í framtíðinni.
Við athöfnina flutti hljómsveit skipuð fimm nemendum úr 10. bekk tvö lög og Eydís Anna Sigurðardóttir lék einleik á píanó.
Fyrir hönd útskriftarnemenda flutti Hrafnhildur Ragnarsóttir ávarp og Erla Ruth Harðardóttir flutti ávarp fyrir hönd foreldrafélags skólans.
Veitt voru verðlaun fyrir besta námsárangur í einstökum námsgreinum og fyrir hæstu meðaleinkunn.
Í lokin stigu allir nemendur í 10. bekk á svið og sungu fyrir gesti. Þegar athöfninni í hátíðarsal lauk var boðið upp á veitingar í íþróttasal skólans.
Athöfnin var einstaklega góð í alla staði, hátíðleg, létt og skemmtileg og einlæg.
Við óskum útskriftarnemendum okkar og fjölskyldum þeirra til hamingju með áfangann.
