Heimsókn í Seðlabankann
Nemendur í fjármálastjórnun (valgrein) heimsóttu Seðlabankann og fengu mjög góða kynningu á hlutverki hans, hagkerfinu og íslensku krónunni í ýmsum útgáfum. Það kostar t.d. 3 kr. að slá 1 kr. og 29 kr. að prenta 10.000 kr. seðil. Til að fá vinnu í Seðlabankanum er best að vera með hagfræði-, lögfræði- eða viðskiptafræðimenntun. Nemendur voru virkir í fyrirspurnum og umræðum og í alla staði skóla sínum til sóma. Við fengum að skoða bygginguna en því miður var Már upptekinn vegna Icesave málsins. Við þökkum Stefáni Jóhanni Stefánssyni kærlega fyrir góða leiðsögn og veitingar.
Hér má sjá myndir frá heimsókninni
Hér er slóð í frétt Seðlabankans um heimsókn okkar.