Nemendur í 10. bekk fá fræðslu um fjármál
„Við vorum bara mjög ánægð með krakkana, þau unnu vel og
komu fram með fínar lausnir“ segir Kristín Lúðvíksdóttir hjá Samtökum
fjármálafyrirtækja. Í vikunni fengu allir nemendur í 10. bekk fræðslu um
fjármál og nefndist námskeiðið fjármálavit. Tekin voru fyrir atriði eins og
traust fjármál og skilningur á launaseðlinum o.fl. Þá var og rætt um mikilvægi
þess að setja sér skýr markmið. Unnu nemendur saman í hópum að viðstöddum
leiðbeinendum frá Samtökum fjármálafyrirtækja.
„Ef við náum að ýta aðeins við þeim varðandi eigin fjármál þá erum við í raun búin að ná markmiðinu með heimsókninni“ segir Kristín.
Myndirnar sem fylgja hér með voru teknar við þetta tækifæri.
-/SIR
