Helgileikurinn í Víðistaðakirkju
Í dag fluttu nemendur í 5.bekk Helgileikinn í Víðistaðakirkju. Þetta er fastur liður í jólaundirbúningnum hjá okkur í Víðistaðaskóla. Gestir voru nemendur í yngri bekkjum í Víðistaðaskóla og krakkar af leikskólunum í Norðurbænum og foreldrar nemenda.
Kór skipaður öllum nemendum í 4. bekk skólans, undir stjórn Stefáns Hauks Gylfasonar, aðstoðaði við flutninginn og Steinunn Guðmundsdóttir lék undir á píanó. Þegar flutningnum var lokið flutti séra Bragi J. Ingibergsson sóknarprestur stutt ávarp.
