Faggreinakennari í unglingadeild
Víðistaðaskóli auglýsir eftir faggreinakennara á unglingastigi skólans í 100% starf til að bætast við fjölbreyttan og frábæran starfsmannahóp skólaárið 2017-2018.
Víðistaðaskóli var stofnaður árið 1970. Skólinn er starfræktur á tveimur starfsstöðvum við Hrauntungu og í Engidal. Leiðarljós skólastarfsins eru Ábyrgð - Virðing - Vinátta sem birtist í öllu starfi skólans. Í skólanum er lögð áhersla á skóla án aðgreiningar og er nám einstaklingsmiðað þannig að hver nemandi fái námsefni og kennslu við hæfi til að þroska hæfileika sína. Lögð er áhersla á vellíðan nemenda og góðan námsárangur. Unnið er eftir SMT skólafærni. Skólinn er grænfánaskóli og er lögð áhersla á umhverfismennt og útikennslu. Í skólanum er metnaðarfullt starf með áherslu á skólaþróun og fjölbreytta kennsluhætti.
Helstu verkefni og ábyrgð:
- Annast kennslu í eldri bekkjum skólans í samráði við skólastjórnendur, aðra kennara og foreldra
- Vinnur að þróun skólastarfs í samstarfi við stjórnendur og samstarfsfólk
- Stuðlar að velferð nemenda í samstarfi við foreldra og fagfólk
- Vinnur samkvæmt stefnu skólans í SMT skólafærni sem ætlað er að skapa gott andrúmsloft í skólum og tryggja öryggi og velferð nemenda og starfsfólks
Hæfniskröfur:
- Kennsluréttindi í grunnskóla með áherslu á faggreinakennslu í náttúrufræði og stærðfræði
- Mikill áhugi og metnaður til að starfa með börnum
- Uppbyggjandi í samskiptum, ríkur sveigjanleiki og mikil samstarfshæfni
- Frumkvæði og sjálfstæði í vinnubrögðum
- Jákvæðni og áhugi á að starfa í skapandi og metnaðarfullu umhverfi og efla sterka liðsheild enn frekar
- Stundvísi og samviskusemi
Umsóknarfrestur er til og með 12. október nk. Viðkomandi þyrfti að geta hafið störf sem fyrst.
Upplýsingar um starfið veitir Hrönn Bergþórsdóttir, skólastjóri í síma 6645890, hronn@vidistadaskoli.is.
Laun eru samkvæmt kjarasamningi Sambands íslenskra sveitarfélaga og KÍ.
Samkvæmt jafnréttisstefnu Hafnarfjarðar eru karlar jafnt sem konur hvött til að sækja um starfið.