3 - JMB: Jól í skókassa
Á föstudaginn í síðustu viku fórum við krakkarnir í 3 - JMB inná Holtaveg í Reykjavík og afhentum KFUM
og K jólakassa sem verða sendir til barna í Úkraínu. Við tókum strætó inneftir
og þar tók hún Bylgja á móti okkur. Hún fræddi okkur um börnin sem koma til með
að fá pakkana og sýndi okkur myndir af börnum sem hafa fengið pakka frá
Íslandi. Á eftir ræddi hún við börnin og þakkaði þeim vel fyrir þeirra framlag.
Síðan var þeim boðið uppá djús og piparköku og svo höfðu þau tekið nestið sitt með þannig að þau gáfu sér góðan tíma til að
spjalla og borða. Síðan var haldið til baka inní Fjörð, sömu leið og við komum
og töldu þau að við hefðum þurft að fara í fjóra strætisvagna til að komast
inná Holtaveg og til baka. Við komum svo beint í hádegismatinn og voru það sæl
og ánægð börn sem fóru heim þennan dag, búin að fá að upplifa hversu góð
tilfinning það er að gefa öðru og sýna hlýhug.